Innlit í Fjarðarkaup - Taktu þátt í gjafaleiknum!

Nú fara jólauppskriftirnar mínar að hrúgast inn á bloggið og þá þykir mér viðeigandi að skella í gjafaleik. Ég verð reyndar með tvo gjafaleiki í desember en ætla að byrja á að gefa falleg húsáhöld í samstarfi við Fjarðarkaup. Þau munu án efa koma sér vel við jólabaksturinn.

Ég versla mikið fyrir matargerðina í Fjarðarkaupum og fer þangað sérstaklega til að kaupa ýmsar vörur sem erfitt getur verið að fá annars staðar. Hér á eftir koma nokkrar af mínum uppáhaldsvörum sem ég versla alltaf í Fjarðarkaupum ásamt smá innliti í verslunina.

Ég hvet ykkur til að leggja leið ykkar fyrir jólin í Fjarðarkaup og upplifa sannkallaðan ,,kaupmaðurinn á horninu'' anda. Það er nefnilega alveg einsdæmi að svo stór verslun eins og Fjarðarkaup nái að halda í þennan notalega kaupmannabrag. Þjónustan er fyrsta flokks og starfsfólkið alveg sérstaklega hjálpsamt og vingjarnlegt.

Kökuform úr sílíkoni þykir mér nauðsynlegt að eiga því smelluformin henta ekki í allan bakstur.

Ég nota mína sykurmassastimpla mikið í kökuskreytingar

Áhöld fyrir sykurmassaskreytingar

Þegar unnið er með smjörkrem er gott að eiga svona spaða í mismunandi stærðum.

Sílíkonmottur er hægt að nota á marga vegu. Ég baka smákökur á mínum sílíkon mottum og nota þær alltaf þegar ég er að vinna með marsípan og sykurmassa.

Rosti Margrethe skálarnar eru þær allra bestu og til í dásamlegum litum. Þær hafa endalausan líftíma, ég held að skálin hennar mömmu hljóti að vera orðin um 20 ára.

Pönnurnar koma í ýmsum stærðum og gerðum. Ég á næst stærstu pönnuna og mæli mikið með henni. Grillpannan er á óskalistanum.

Frosin kirsuber, þvílíka snilldin! Ég nota þau mikið í bakstur, bý til kirsuberjapúrru til að segja í smjörkrem, kirsuberjasósu, set berin í kókosbollubombuna og í marengsterturnar. Svo má ekki gleyma ávaxtaboostinu, frosin kirsuber henta einstaklega vel í svoleiðis hollustu.

Fyrir sushisjúkling eins og mig var það þvílíka lottóið þegar ég rakst á þessa stóru brúsa af Kikkoman sojasósu.

Þegar ég baka sörur þá nota ég skyndikaffi í duftformi, þá þarf ég hvorki að mylja kaffið smærra né leysa það upp.

Dóttir mín erfði víst sælkeragen móður sinnar svo það er ágætt að eiga svona 100% ávaxtaíspinna fyrir hana í frystinum.

Ávaxtapúrra úr ýmsum ávöxtum, handhægt í baksturinn. Svo er líka dásamlegt að nota ávaxtapúrru í kokteila eins og mojito og frosinn daiquiri.

Ég játa að ég er mikil áhugamanneskja um mat í stórum umbúðum, þessir stóru kryddstaukar eru akkurat fyrir mig.

Frosnar kryddjurtir er virkilega gott að eiga í frysti til að grípa í.

Ég kaupi sokkabuxur á dóttur mína í Fjarðarkaupum og þá helst Melton og Mala sokkabuxurnar. Litaúrvalið er gott og sokkabuxurnar fást í mörgum stærðum, svo eru þær líka á góðu verði.

Klipparinn minn mælir með því við mig að nota Pantene hárvörur frekar en að kaupa mér rándýrt sjampó og hárnæringu á hárgreiðslustofu. Það virðist bara ekki vera neitt grín að fá Pantene Pro-V vörurnar. Ég varð því afar ánægð þegar ég fann þessa hillu.

Áður fyrr notaði ég mikið John Frieda sjampó og hárnæringu en virðist vera með ofnæmi fyrir öllum John Frieda vörum. Ég skipti því yfir í þessar hárvörur. Ég er með mjög fíngert og viðkvæmt hár en Creightons vörurnar hafa virkað vel fyrir mína hárgerð.

Bjögga er búin að koma búsáhaldadeildinni í jólabúninginn. Búsáhaldadeildin er fyrsta deildin sem gengið er inn um í versluninni. Það er svo margt fallegt í þessari deild að debetkortið mitt tekur andköf og ég þarf að halda fyrir augun.

Könglar og ýmislegt skraut fyrir jólaföndrið.

Í búsáhaldadeildinni er að finna tvær línur af kristalsglösum. Tilvalin gjafavara fyrir þá sem vilja safna sér í fallegt kristalsett.

Þessir lampar eru dásamlegir

Hægt er að fá ýmsar myndir á lampann en einnig má setja kúpulinn yfir sprittkerti.

Þessi skál er tilvalin fyrir jólafrómasinn, já eða áramótabolluna.

Teppi sem hægt er að klæða sig í, fyrir allra hörðustu jólakósýkúrara.

Í barnavörudeildinni fæst allt fyrir ungbörn, ýmsar gerðir af snuðum og pelum, hreinlætisvörur, bossakrem, leikföng og margt fleira.

Þessar fann ég í einum frystinum, dásamlegt að geta vippað fram makrónuveislu þegar óvæntir gestir banka á dyrnar.

Kjötborðið er alltaf jafn ferskt og glæsilegt.

Bakaríið í Fjarðarkaupum er í uppáhaldi. Gamla góða bakkelsið sem fær mann hugsa til ömmu og afa fæst þar í miklu úrvali. Nýstárlega bakkelsið auðvitað líka og alls kyns brauðmeti.

Heilsuvörurnar í Fræinu eru endalausar, þvílíkt úrval fyrir þá sem kjósa lífrænar vörur.

Rokka býður upp á þvílíkt úrval af garni og öðrum hannyrðavörum.

Þessi færsla varð aðeins lengri en ég ætlaði mér en þegar ég byrjaði að dæla inn myndum þá gat ég ekki hætt.


Snúum okkur að máli málanna, gjafaleiknum sjálfum.

Þriðjudaginn 15. desember ætla ég að draga út einn heppinn vinningshafa sem fær þetta fallega Margrethe skálasett frá Rosti ásamt fallegum tveggja hæða kökudisk og servíettum í stíl.







Til að komast í pottinn þarf að skrifa athugasemd við þessa bloggfærslu, smella á gjafaleikinn hér og deila honum á Facebook. 

Gaman væri að þið segðuð mér frá ykkar jólahefðum í athugasemdum.

Tinna Björg